Jo ainaski

Myöntheisiä hunteerauksia peräpohjalaisittain

Moni kalvii sannaa ajatelma tai aforismi. Semmonen ei jotenki passaa meän karhuun luontheesseen. Sanakki niin viehraita ja fiiniä. Mutta vilkaseppa tätä opusta – fiiniyestä ei ole tietoakhaan eikä ensimäistäkhään vierasta sannaa. Mutta o`herratunaika niitä älyvvälhäyksiä, jokka niihin sisältyvä ja jokka olen parhaan kykyni mukhaan yrittäny aitona säilyttää. Niisson välihneitä arkisseen elähmään, ja passaava jokhaisele. Kilokaupala lähti painoa minunki hartheilta, ko kuukausitolkula näitten kansa saikkasin.

Ny on sinun vuorosti puottaa painolastia ja friskata huneeria.

Positiivareilta oli oorninki homma, ko järkkäsit meilekki oman hunteerikirjasen. Tämä on kirjotettu Tornion seu`un murtheela, mutta eikhään se suiju lukea muilaki kylilä. Kannattee ainaki laavata läpi.